Күзгі мереке - ертегілер әлеміне саяхат

         🍂 Күзгі мереке- ертегілер әлеміне саяхат.

Балабақшамызда тәрбиеленушілерге, педагогтер мен ата-аналарға көтеріңкі көңіл күй, қуаныш пен ұмытылмас әсер сыйлаған ерекше күзгі мерекелер өтті.Бұл жолы мерекелік іс-шара балабақша ауласында ұйымдастырылып, әрбір алаңша нағыз күзгі ертегі әлеміне айналды. Әр алаңдағы беседкалар түрлі-түсті шарлармен, педагогтер түрлі түсті қағаздан өз қолдарымен қиып жасаған әдемі сары жапырақтармен, күзгі композициялармен және тақырыптық безендірулермен көркемделді.Мерекеге ерекше сән берген кейіпкерлер де балаларға қуаныш сыйлады. Балаларға қонаққа Бұлтша, Тұманды бұлт, Аула сыпырушы, Орман атасы, Қарақшы, Мухомор саңырауқұлағы және басқа да қызықты кейіпкерлер келді. Олармен бірге балалар күзгі ертегілер әлеміне саяхат жасап, көңілді ойындарға, билерге, сайыстар мен қызықты тапсырмаларға белсенді қатысты.Әр беседка өзіндік шағын тақырыптық көрмеге айналды. Мұнда күзгі қолөнер бұйымдары, түрлі композициялар, ерекше шығармашылық жұмыстар және табиғи материалдардан жасалған ғажайып туындылар қойылды. Бұл жұмыстардың барлығы балалардың, педагогтер мен ата-аналардың шығармашылығы мен еңбегінің нәтижесі.Балабақшаның дәлізінде де ерекше күзгі көрме ұйымдастырылды. Мұнда неше түрлі ғажайыптарды көруге болады! Ертегі үйлері, тауықтың аяқтарында тұрған киіз үйлер мен үйшіктер, күзгі композициялар, табиғи материалдардан жасалған бұйымдар және көптеген қызықты жұмыстар көрмені одан әрі жандандыра түсті. Кейбір ертегі үйлерінің іші арнайы жарықтандырылып, ішінен жұмсақ жарық сәулесі көрініп, көрмеге нағыз ертегідей ерекше көрініс сыйлады.Осы әсемдіктің барлығы педагогтер мен ата-аналардың бірлескен шығармашылық еңбегінің нәтижесінде дүниеге келді. Әрбір қатысушы өз қиялын, еңбегін және жүрек жылуын қосып, көрменің ерекше әрі қайталанбас болуына үлес қосты.Күзгі мереке балаларға балабақшаның нағыз сиқырлы әлемге айнала алатынын көрсетті. Педагогтер, балалар мен ата-аналар бір мақсатта бірігіп, бірге жұмыс жасағанда, кез келген орта ғажайыпқа айналады.

🍁 Мұндай іс-шаралар балалардың қиялын, шығармашылық қабілеттерін, табиғатқа деген қызығушылығын дамытып, өзара қарым-қатынас жасау дағдыларын қалыптастырады және оларға көптеген жағымды эмоциялар сыйлайды.

Биылғы күз балабақшамызда ерекше ертегідей өтті! 🍂✨